لو.. بتعرفي....بقلمي Sami Bsat

لو..
بتعرفي
شو يعني الوجع..
وجع
بقلب الوجع عم يبكي..
ما تتعجبي
ولا تسألي كيف
وجعي اللي خلا الحجر يبكي
ما بعرف كيف
صار هوي
من الوجع عم يبكي..
قلتلو...
يا رفيق قلبي
شو صاير فيك
ليش عم تبكي..؟؟
قللي
اذا خبرتك بخليك
تنسى
اني كنت بكيك
وبتصير عليي انت تبكي..
قلتلو...
بس انا وقت اللي ببكي
بكون مشتئلها
وما بشوفها
ولا معها بحكي..
بكتبلها
بقلها خليني حدك
خليني حس
اني بجنبك
بتقللي..
وقت اللي بعوزك
بتصل فيك
تأكد مش رح عوّفك بحكيك..
وبتختفي
لا صوتها بسمع
ولا عيوني وجها بتقشع
هيدا اللي بخليني
انا ابكي...
بس انتي ليش عم تبكي
شو اللي هالقد قاهرك ومخليك
تئن من الوجع وما تحكي..
قللي...
رح خبرك حالتي وارويها
من كتر ما شفتك
معلق فيها
ودقات قلبك بتناديها
وعيونك
كيف بتحكي
سواد عيونها وبتخليك
دايمن سارح وعندك حلم
بس تغمض عيونك
تحلم فيها..
شفئت عليك
شفئت عليك وصار عندي
احساس..
انا الوجع اللي مبكي عيون الناس
من خوفي على عيونك
ما ينشفو دموعها..
صرت
بدل عيونك..
انا ابكي.....

بقلمي Sami Bsat