لأن نصك لغز داخت عباقر بيه...عباس أدريس الجبوري‏

لأن نصك لغز داخت عباقر بيه
عجز نصك حبيبي يفسر بنصك ...
واظن رسمك عجز بيكاسو يرسم بيه
لأن ربي بجمالك اعتقد خصك ...
صرت أنه خيالك حتى دوم وياك
والغايه الاهم حتى اكعد بصفك ...
والفك عالجرح مو غايه تشفيني
اريد الجرح ينزف بلكت يلفك ...
يالجفك سما والنجم بي سهران
الكمر اصبع تمنى يصير في جفك ...
وعرشك معجزه اتعدى عرش بلقيس
وسليمانك وجنه احتار في عرشك ...
ولان ثوره ارموشك دخلت التاريخ
نستسلم ألك من ترمش برمشك